Ar mhaith leat ábhar físe a úsáid i do sheomra ranga iar-bhunscolaíochta?
10th March 2023
Is éard is aidhm le cúrsa gairid ar líne, ‘Ábhar Físe a úsáid Chun Áiseanna a Fheabhsú agus a Chruthú (Iar-bhunscoil)’ ná cabhrú le múinteoirí feidhm a bhaint as teicneolaíochtaí digiteacha chun áiseanna atá ann cheana a fheabhsú agus áiseanna úra a chruthú, agus uirlisí taifeadta scáileáin agus uirlisí eile in úsáid acu.
Faoi dheireadh an chúrsa, beidh tú in ann áis físe a chruthú a d’fhéadfaí a úsáid chun tacú leis an bhfoghlaim sa réimse ábhair agat. Feilfidh an cúrsa seo gach cineál foghlama agus tá sé áisiúil go háirithe le haghaidh foghlaim chumaisc nó le haghaidh malairt foghlama.
