Réamheolas maidir le R-theagasc (ar líne)

Cuirfear ar chumas na rannpháirtithe:

• Scileanna cumarsáide agus inniúlachtaí ar líne fhorbairt atá riachtanach chun bheith i do ríomhtheagascóir éifeachtach
• A ról a thuiscint maidir le cur ar chumas foghlaimeoirí rochtain iomlán a fháil ar chúrsa ar líne agus páirt a ghlacadh ann
• Éirí cleachta le samhlacha éagsúla ríomhtheagaisc
• Idirghníomhaíocht a chur chun cinn lena chinntiú go mbeidh foghlaimeoirí páirteach go hiomlán agus go fónta i bhfóraim phlé
• Treoir a thabhairt d’fhoghlaimeoirí i ngnóthú a dtorthaí foghlama.

Soláthrófar le hábhar an chúrsa treoir agus straitéisí úsáideacha do ríomhtheagascóirí chun foghlaim ghairmiúil múinteoirí ar líne a éascú. Tá sé roinnt ina chúig mhodúl, mar a leanas:

Modúl 1 – Réamheolas ar Fhoghlaim Ar Líne
Modúl 2 – Réamheolas maidir le Ríomhtheagasc
Modúl 3 – Scileanna Ríomhtheagaisc
Modúl 4 – Foghlaimeoirí Ar Líne a Bhainistiú
Modúl 5 – Ríomhtheagascóir Éifeachtach.

Réamhriachtanais: Cé nach réamhriachtanas é, bheadh taithí roimh ré ar pháirt a ghlacadh i gcúrsa ar líne ina bhuntáiste.

Riachtanais Theicniúla: Ceangal láidir leathanbhanda idirlín agus ríomhaire glúine, pc deisce nó táibléad (a bhfuil an leagan is déanaí de Chrome, Firefox nó Safarí suiteáilte air).

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, le cead bhainistíocht na scoile, go háirithe i dtaca le deich gcinn d’uaireanta an chloig ‘Pháirc an Chrócaigh’ a mbeadh cead iad a úsáid ar bhonn aonair nó i ngrúpaí beaga (Ciorclán 0042/2016 Bunscoile agus Ciorclán 045/2016 Iar-Bhunscoile).