Scéalaíocht Dhigiteach (Iar-bhunscoileanna)

Cuirfear ar chumas na rannpháirtithe:

• Míniú a thabhairt ar na buntáistí a bhaineann le scéalaíocht dhigiteach chun feabhas a chur ar phríomhscileanna agus tacú leis an teagasc, leis an bhfoghlaim agus leis an measúnú ina n-ábhar
• An acmhainn a bhaineann leis an bpróiseas scéalaíochta digití a aithint chun cumas na ndaltaí machnamh criticiúil a dhéanamh ar a gcuid foghlama a fheabhsú
• Scrúdú a dhéanamh ar conas a thacaíonn an próiseas scéalaíochta digití le tuiscint na ndaltaí ar eolas ar réimse an ábhair chomh maith le rannpháirtíocht agus spreagadh a fheabhsú
• Bheith feasach faoi na huirlisí digiteacha is féidir a úsáid le haghaidh gníomhaíochtaí scéalaíochta digití
• Iniúchadh a dhéanamh ar cá háit ar féidir acmhainní cuí a aimsiú go heiticiúil do dhaltaí chun tacú le scéalta digiteacha a chruthú.

Clúdaítear sa chúrsa gach eolas a theastaíonn uait idir na buntáistí agus na cuir chuige maidir leis an scéalaíocht dhigiteach, agus smaointe maidir le húsáid na scéalaíochta digití trasna an churaclaim, agus do scéal digiteach féin a chruthú.
Tá trí phríomhchuid sa chúrsa:

• Réamheolas ar an tSaoránacht Dhigiteach
• Scéalaíocht dhigiteach trasna an churaclaim
• Scéal digiteach a chruthú

Áirítear leis an gcúrsa freisin cur le ‘Balla Padlet’ chun smaointe a roinnt ar conas a d’úsáidfeá scéalaíocht dhigiteach i do réimse ábhair.

Riachtanais Theicniúla: Ceangal láidir leathanbhanda idirlín agus ríomhaire glúine, pc deisce nó táibléad (a bhfuil an leagan is déanaí de Chrome, Firefox nó Safarí suiteáilte air).

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, le cead bhainistíocht na scoile, go háirithe i dtaca le deich gcinn d’uaireanta an chloig ‘Pháirc an Chrócaigh’ a mbeadh cead iad a úsáid ar bhonn aonair nó i ngrúpaí beaga (Ciorclán 0042/2016 Bunscoile agus Ciorclán 045/2016 Iar-Bhunscoile).